itsosupetekue

2007-01-16T08:38:00.000-08:00

NIRE BLOG-AREN AURKEZPENA
Aipatu behar nire blog honetan hezkuntzarekin zerikusia duten hainbat gai desberdin jorratu ditudala. Hain zuzen ere gaietako batzuk gaurkotasuna dutenak dira: bullyng-a, euskera, teknologia berriak.... nire ustez hauek 2010.urterako BOOM-a izango dira.
Esate baterako, urte batzuk barru teknolgiak oraingo moduko aurrerapausuak ematen baditu, guztia ordenagailu eta beste zenbait makina berriekin egingo dugu, ez dugu etxetik ere irtengo erosketak egiteko.
Batzuen mundua teknologiak dira eta beraien desioa izango da guztia makinekin egitea etxetik ere ez irtetzeko, baina nire moduko pertsonek ordea pentsatuko dute hobeago dela guztia ordenagailuz baino idatziz eta hizki onarekin egitea.
Beste barik nire blog-a interesgarria eta informazioa eskuratzeko baliagarria izango delakoan agurtzen naiz.
ONGI IZAN ETA NIRE BLOG-AREKIN GOZATUUUUUUUUUU!!!!!!!

2007-01-16T08:36:00.000-08:00

Adimen emozionala: sentimenduak osatzen

“Lehenengo aldiz gure buruari begirada adimentsuz so egiten diogun lekua da gure benetako jaiolekua...” (Hadrianoren oroitzapenak, Marguerite Yourcenar).
Ikusi erlazioanaturiko artikuluak
Ikusi erlazionaturiko materiala
Ongi etorri ikastaro honetara.
Ikastaro honetan, ziur aski, landu nahi dituzun gauza batzuk aurkituko dituzu, baina espero ez dituzun beste gauza batzuk ere bai.
Nire ustez, emozioen lanak praktikara zuzenduta egon behar du. Edonork esaten duena sinestea ez da ikertzeko modurik hoberena. Emozioak sentitu egin behar dira, eta besteen emozioekin lan egin baino lehen, prozesu emozional batzuk egin behar ditu norberak. Matematika ikasi ez duen matematika irakaslerik ezagutzen al duzue?
Emozioetara hurbiltzeko estrategia asko daude: guztiz intelektuala, negartia, mistikoa... Nire aukera umorea eta barrea erabiltzea da. Umorea ez da, normalean uste den moduan, denbora pasatzeko modu bat. Ongi erabiltzen badugu, gizartea eta geure burua ezagutzeko tresna nagusietako bat da.
Horrek ez du esan nahi teoriarik egongo ez denik. Teoria beharrezkoa da jorratzen ditugun gaien nondik norakoa ulertzeko. Baina ikusten ditugun gai guztiak egiaztatu egin behar dira, bai jokoen bitartez, bai eztabaidetan, edota praktikoak diren beste modu batzuen bidez.
Gaiak landu eta frogatu ondoren, zerbait egin beharko da horrekin. Eta hor aurkitzen dugu normalean gaindiezina den arazoa. Emozioek ez dutela logika handirik pentsatu ohi dugu, baina ez da horrela. Gertatzen dena da emozioek beren logika berezia dutela. Eta ez bagara “emozionalki” pentsatzeko gauza, ez ditugu gertatzen diren hainbat gauza ulertuko. Hona hemen adibide bat esandakoa hobeto ulertzeko:
Ikastaro hau oso-oso berezia izango da, gaur egungo gizartean tabu den edo debekatuta dagoen gai bat landuko dugulako: eragite sena edo boterea.
Konturatu al zarete ez dela botereari buruzko ikastarorik egiten? Agian, enpresa arloan, boterea nola erabili behar den lantzen da pixka bat. Baina hortik aurrera ezer gutxi. Emozionalki oinarrizkoa den gai bat da, eta inork ez daki zertaz ari garen.

2007-01-16T08:31:00.000-08:00

Euskara eta gaztelania ikastea bermatuko duen hizkuntz eredu baten alde
2006-11-28 / 07:00 / Félix Etxeberria
IRAKASKUNTZA
Hainbat arrazoi direla medio -demografikoak, pedagogikoak, profesionalak, didaktikoak, giza eskubideen gainekoak eta abar-, euskarazko irakaskuntzak bilakaera sakona ezagutu zuen Euskal Herriko ikastoletan 1980ko hamarkadaren hasieran. 25 urteren ostean, aitortu beharra daukagu ereduen sistemak garai bateko premiei erantzun ziela, baina gaur garaiz kanpo eta gaindituta dagoela.
Askok pentsatu genuen sistema berri bat behar zela sortzen ari ziren zailtasunei aurre egiteko, eta euskararen irakaskuntza ikastetxe guztietara, hala publikoetara nola pribatuetara, hedatu zenean, irakasleen hizkuntz gaitasunaren argudioak berebiziko pisua hartu zuen: ezinezkoa zen Euskal Herriko haur guztiak euskaraz eskolatzea, hain zuzen ere irakasleria ez zegoelako lantegi itzel horri ekiteko trebatuta.
Egoera nabarmen aldatu da, eta hezkuntzaren munduko pertsona ugari eta elebitasunaren alorreko hainbat aditu aspaldian defendatzen ari gara ezin zaiola hizkuntz ereduen sistemari denbora gehiagoz eutsi. Arrazoiak asko dira.
Ikerketa
Azken 30 urteotan, irakaskuntzari eta euskarari buruzko 50 ikerketa inguru egin dira, proportzioan kopuru handia inondik ere, beste herrialdeekin alderatuz gero. Ikerketa horien arabera, 1970eko urteetan plazaratu ohi ziren kezka eta galdera ugarik erantzun konplitua jaso dute. Badakigu euskara nola ikasten den gehien eta ondoen. Badakigu, halaber, euskara ikasteak ez diola inolako kalterik egiten beste gai batzuen ikaskuntzari, matematika, zientzia-ikasketak eta ingelesa kasu. Badakigu euskara ikasteak ez duela arazo gehigarririk eragiten.
Hitz batean esanda, D ereduan ikasten duten ikasleek besteek bezain ondo ikasten dituzte gainontzeko gaiak eta ez dituzte besteek baino arazo pertsonal, adimenezko arazo, edo beste motaren bateko arazo gehiago izaten. Badakigu D ereduko ikasleek emaitza onak lortzen dituztela selektibitatean, eta ez dutela zailtasunik ikasketak euskaraz jarraitzeko. Dena da abantaila euskaraz ikasten dutenentzat (Etxeberria, F., 2005). Bestalde, badakigu, ondo jakin ere, A ereduan ikasleek ez dutela euskara oinarrizko mailan ikastea lortzen, ikerketak eta esperientzia pertsonalak eguna joan eta eguna etorri erakusten diguten bezala.
Azkenik, eskolako elebitasunari buruz Europan egindako azken ikerketa bat ekarriko dugu hona. 2005ean, Eusko Jaurlaritzako Hezkuntza Sailak euskal irakas-sistemako ikasleen euskara-mailari buruzko ikerlan baten emaitzak argitara eman zituen (ISEI-IVEI, 2005). Datuak arduratzeko modukoak dira; izan ere, askok zituzten aurreikuspenak gainditu egin dituzte.
Ikerketako proba, ahozkoa eta idatzia, DBHko 4. mailako -16 urteko- 1.191 ikaslek egin zuten. Proba hori ingeleserako "First Certificate" izenekoaren baliokidea da; hau da, zailtasunari dagokionez, maila ertainekoa da. Euskarazko probekin alderatuta, maila EGA tituluarena baino apalagoa da.
Eusko Jaurlaritzaren datu estatistikoen arabera (EUSTAT, 2004), DBHko ikasleak honela eskolatuta daude, hizkuntz ereduei begira: A ereduan, % 29; B ereduan, % 24, eta D ereduan, % 47. Hezkuntza Sailaren esanetan, A ereduko ikasle bakar bat ere ez da proba gainditzeko gai izan, B ereduan % 27,5ek gainditu du, eta D ereduan % 57,2k. Ikus koadroa (Iturria: ISEI-IVEI (2005): Euskararen B2 maila derrigorrezko irakaskuntzaren amaieran (DBH4). Eusko Jaurlaritza. Gasteiz.):
EAEko IKASLEAK EREDUEN ETA EUSKARA-MAILAREN ARABERA.DBHko 4. MAILA
Eredua
Ikasleak
Probagainditutakoikasleakereduka
Probagainditutakoikasleakguztira
Probagainditugabekoikasleakguztira
A
% 29
% 0
% 0
% 29
B
% 24
% 27,5
% 7
% 17
D
% 47
% 57,2
% 27
% 20
GUZTIRA
% 100
% 34
% 66
Guztira zenbat ikaslek ez dute proba gainditu? Datu hori jakiteko, emaitzak eta eredu bakoitzean dagoen ikasle-kopurua kontuan hartu behar dira. D ereduan (% 47), ikasle guztien % 27k gainditu zuen proba, eta B ereduan (% 24), berriz, % 7k. Esan dugu A ereduko ikasle bakar batek ere ez zuela proba gainditzea lortu. Horrenbestez, hiru ereduetako ikasle guztien % 34k (27+7) soilik lortu zuen proba gainditzea, eta DBHko 4. mailako neska-mutilen % 66 gainditze-marraren azpitik ibili zen. Gutxienez 13 urtez euskaraz eskolatuta egon ostean, ikasle gehienak ez dira proba gainditzeko gai; hau da, ez dute euskara menderatzen.

2007-01-16T08:23:00.000-08:00

Irtenbidea haurraren sexua aukeratzea denean
2007/01/01 Rementeria Argote, Nagore
Testua bere osotasunean Elhuyar Zientzia eta Teknika aldizkarian duzu.227. aleko artikuluak martxotik aurrera izango dituzu eskuragarri Zientzia.net-en.
Irtenbidea haurraren sexua aukeratzea denean
2007/01/01 Rementeria Argote, Nagore Elhuyar Zientziaren Komunikazioa
Hainbat gaitz larri zuzenean sexuarekin lotuta daude, sexu-kromosomekin, hain zuzen ere. Seme-alabak gaitz horietakoren batekin jaiotzeko arriskua izanez gero, haurraren sexua aukera daiteke; hobeto esan, gaitza garatuko ez duen sexuko haurra izatea aukera daiteke.

(Argazkia: Artxibokoa)
Haurraren sexua aukeratzeko teknika in vitro ernalkuntzaren ondotik etorri da. In vitro ernalkuntza 70eko hamarkadaren amaieran garatu zen. Horri esker, haurdunaldia gertatu aurretik enbrioia eskuetan izateko aukera zuten. Beraz, gaixotasun genetikoak edo anomalia kromosomikoak bilatzeko teknikak garatzeari ekin zioten, haurdunaldiaren aurretik diagnostiko fidagarri bat izateko, eta amagaiak enbrioia jaso aurretik enbrioi osasuntsuak aukeratu ahal izateko.
Haurdunaldiaren aurretik gaixotasun genetiko jakin bat ez duten enbrioiak aukeratzeko, diagnosi genetikoa garatu zuten. Teknika hori, besteak beste, sexuarekin batera heredatzen diren gaixotasunak saihesteko asmatu zuten. Eta, hala, Londresko bi ahizpa biki izan ziren teknika hori erabili eta gero jaiotako lehenengo haurrak, 1990ean. Ordutik hona teknika ohiko bihurtu da klinika eta ospitale askotan. Eta legeak, noski, arautu egin behar izan du.

2007-01-16T08:20:00.000-08:00

80ko hamarkada Teknologia berrien eztanda
2000/11/01 Kortabarria Olabarria, Beñardo
Denboran atzera 20 urte baino ez dira egin behar, baina hala ere gertuagokoak eta oroitzepenean nahasiagoak dirudite 80ko hamarkadako gertaerek aurreko hamarkadetakoek baino. Norberak bizi izan dituen seinale, eskolan-eta ikasitakoak ez baitira hain erraz ahazten. Lehen transbordadorearen hegaldiak, ordenagailu pertsonalen iraultza, hiesaren berriak, bihotz artifizialak... atzo izan zirelakoan eta dagoeneko 20 urte igaro dira!
Gogoratzen al duzu lehen ordenagailu pertsonala? Lehen PC-a? Pertsonalak izan arren, lehen belaunaldiko ordenagailuak oraingoak baino askoz handiagoak ziren, motelagoak, erabiltzeko zailagoak... baina lehen unetik sekulako aurrerapena izan ziren, lana egiteko modua asko erraztu baitzuten. Gailua merkea zenez, enpresetan sekulako arrakasta izan zuen, batez ere diru-kontuak egiteko eta administrazioari dagozkion lanak egiteko. Lehena IBMk merkaturatu zuen.
Ordenagailuak izan zuen arrakasta ikusi eta gero, 1983. urtean IBMk berak modelo berria atera zuen, azkarragoa eta aukera gehiagorekin. IBM etxea ez zen, hala ere, ordenagailu pertsonalek izan zezaketen aukerez ohartu zen bakarra, eta urte hartan beste hainbat enpresa ordenagailuak egiten hasi zen. PC ordenagailuak bezala, Macintosh ordenagailuak ere atera ziren merkatura, lehenak 1984. urtean. TCP/IP lengoaia -Internet-eko lengoaia- ere, hamarkada horretan garatu zen. Hamarkadaren bukaeran, berriz, Tim Berners-Leek www-a garatu zuen. Jakina, orduan ez zen oso garbi antzematen gerora zein garrantzia izan zezakeen.
Espazioko esplorazioak duen garrantzia zenbatekoa den jakitea zaila den arren, 80ko hamarkadan hainbat berrikuntza gertatu zen, transbordadoreak esaterako. Lehena NASAk bidalitako Columbia izan zen, 1981. urtean; geroago, ordea, berriak egin zituzten, Challenger eta Discovery. Espaziora joan eta Lurrera itzuli ondoren, berriro erabil zitezkeen lehen espazio-ontziak izan ziren. Transbordadoreen historian, hala ere, gertaera beltza ere izan zen. 1986ko urtarrilaren 28an abiatu eta gutxira, Challenger transbordadoreak eztanda egin zuen airean; han zeuden zazpi pertsonak hil egin ziren.
Orain arteko espazioko estaziorik ikusgarriena, sobietarren Mir ospetsua, 80ko hamarkadako lorpena da. Izan ere, 1986. urtean jarri zen orbitan. Teorian dagoeneko Lurrean behar zuen, baina orbitan jarraitzen du. Lorpenen artean, ikusgarriren bat edo beste ere, izan zen; adibidez, 1984. urtean NASAko astronautek orbitan zegoen satelite bat konpondu zuten. Orbitan horrelako lanak egiten ziren lehen aldia izan zen. Lanerako, kanadarrek transbordadoreentzat egin zuten errobot-besoa erabili zuten. Gainera, Bruce McCandless astronauta espazioan inongo loturarik gabe hegan jarri zen lehen gizakia izan zen.

2007-01-16T08:04:00.000-08:00

Irakaskuntza publikoko sindikatuek ez dute greba deituko urtarrilerako
Greba deialdia eginda egon arren, hauteskunde sindikalak egin arte (otsaila erdialdera arte, beraz) ez dute bestelako mobilizaziorik deituko.
ELA, STEE-EILAS, UGT eta LAB sindikatuetako ordezkariek prentsaurrekoan iragarri dutenez, urtarrilaren 25ean ez dute greba egingo, lanuzterako deialdia eginda zegoen arren.
Are, hauteskunde sindikalak baino lehen (otsailaren 14rako daude iragarrita) ez dute inongo mobilizaziorik deituko, azpimarratu dute.

2007-01-16T07:54:00.000-08:00

138 euskara ikasle Miranda de Ebroko Hizkuntza Eskolan
Arabako mugan, Burgosen dago Miranda de Ebro herria. Euskara indartsu dabil bertan azken bi-hiru urteetan. 2005-2006ko ikasturtean hasi ziren euskara klaseak Mirandako Hizkuntza Eskola Ofizialean. Aurten abian den ikasturtean 138 ikasle dabiltza lau mailatan. Ikasleen profil bakarra egitea ezinezkoa da; bertan jaioak direnak, Mirandan bizi diren bizkaitar eta arabar asko, errioxarrak... Badira, besterik gabe, euskara gustatzen zaielako ikasten hasi direnak, beste batzuk Gasteizera begira daude, oposizioak prestatzen... eta euskara behar dute.
Guk lehenengo eta laugarren mailako ikasleak bisitatu ditugu, Alvaro Ravelli irakaslearen eskutik eta ARGIA astekariaren 2072. zenbakian erreportajea osatu dugu. Aldizkaria bihar iritsiko da kioskoetara eta Interneten ostegunean sareratuko dugu.

2007-01-16T07:49:00.000-08:00

GARAIGORDOBIL, Maite: EHUko Psikologia fakultateko irakaslea eta DURÁ, Ainhoa:Haur Psikologoa
Topaketak
Jolas kooperatiboak:haurrengan jarrera gizatiarra, garapen emozionala eta sormena sustatzeko jolasen programak

Ikastaro honetan jolas kooperatibo eta sortzaileetan oinarritutako interbentzio psikohezitzailearen adar bat aurkeztuko dugu. Beronen helburua garapen soziala, afektibo-emozionala eta haurren sormena bultzatzea da.
80ko hamarkadatik hona Haur eta Lehen Hezkuntzako hainbat taldetan ezarri dugun proposamen honen oinarri teorikoa ikerketako hiru korronte handiren ondorioetan datza. Lehenengo eta behin, haurren jolasen inguruko ikerketen ondorioak; giza garapenerako funtsezko jarduera da, haurraren garapen integralean eraginkortasunez eragiten baitu, hau da, haurraren garapen psikomotor, intelektual, afektibo-emozional eta sozialean. Bigarrenik, portaera sozialaren aldeko ikerketen ondorioetan oinarritzen da; hortik atera dira garapen pertsonalaren eta sozialaren hainbat faktoretan nolako onurak dituen heziketaren testuinguruan kooperatzeak versus lehiatzeak. Eta hirugarrenik, sormenaren gaineko ikerketak daude; ikerketa horiek haurraren sormenaren garapenean entrenatzeak duen eraginkortasuna baieztatzen dute.

2007-01-16T07:47:00.000-08:00

AGIRRE, Amaia: Formatzailea, bitartekaria eta GEUZeko partaidea
Topaketak
Harremanak gelan: gatazkak, tratu txarrak... esku hartzeko moduak

2007-01-16T07:45:00.000-08:00

LACALLE, Jokin: Jakintza ikastolako IKT dinamizatzailea eta ETXARRI, Mikel: Jakintza ikastolako webmasterra
Topaketak
Blogak irakaskuntzan

2007-01-11T02:06:00.000-08:00

ARIZNABARRETA, Abel; ARREGI, Amaia
Gai Nagusia
Premia bereziak dituen haurra elebiduna izatera irits al daiteke?

Hezkuntza elebidunen "arazoa" behin eta berriro agertzen zaigun gaia dugu. Kontu handiz aztertu eta tratatu izan da batzutan, hezkuntza-erantzun egokia emateko asmoz eta gai horren inguruan hainbat testuinguru kulturaletan izan diren ikerketa zientifikoen babesaz. Ez horrela beste batzuetan.
Oraingo honetan planteatzera gatozen galdera nagusia honako hau da: zer gertatzen da elebitasun planteamenduekin haurrak Hezkuntza Premia Bereziak dituenean? Eta berehala, aurreko horri loturik besteok datozkigu: egitura teorikoak "hezkuntza elebidunaren" eta "hezkuntza elebidun bereziaren" artean bereizten al du? Programa elebidunetan erabiltzen diren estrategia didaktikoak ikasle guztientzat al dira egokiak? Zein?, Zergatik? "Premia" al da ikasle baten ezaugarri garrantzitsuena ala pertsonaren analisia egiterakoan beste alderdi bat baino ez da?Artikulu honetan ikerketa bidez berretsitako hainbat planteamendu teoriko eta hipotesi aurkeztu nahi ditugu, heziketa elebidunari buruzkoak hain zuzen, ezinbestean kontuan hartu beharrekoak direla baiteritzogu patologia motaren batek eragindako premia bereziak dituen hainbat ikasleren kasuan heziketa elebidun batek izan ditzakeen posibilitateak eta onurak aztertzerakoan.

2007-01-11T01:39:00.000-08:00

Bullying -a aurrez aurre
Zenbakia
92. alea
Data
2004(e)ko azaroa
Idazlea
Saila
Gai Nagusia
Jazarpena, bullying -a... Hondarribiko gertakariaren ondoren denon ahotan dabilen gaia da. Lehendik ere horrelako arazoak ezagunak baziren, oraingoan ondorioak muturrera iritsi dira, eta horrek kezka areagotu egin du.Ez da errudunak bilatzen aritzeko unea, zuhurtziaz jokatu eta hausnartzekoa baizik. Eta bada zer hausnartua: zergatik sortzen diren horrelako jazarpenak, zer egin daitekeen horiei aurre egiteko edota saihesteko, zer egin dezakeen bakoitzak dagoen lekutik (familian, ikastetxean, gizartean, administrazioan...) eta abar.Eskolan kokaturik, alde batetik, prebentzio lana egin daiteke, eta hori egiten dute Etxarri-Aranazeko ikastolan. Bestetik, daukagun hezkuntza ereduaz eta antolaketaz hausnartu beharko genuke, horrek ere baduelako bere eragina. Juanjo Otaño eta Alex Barandiaranek esku bat bota digute horretan.

2006-11-23T01:47:00.000-08:00

Euskal herria, 7 probintziak

nire aurkezpena

2006-11-09T00:55:00.000-08:00

Ni leitza naz,21 urte ditut. Bermeo izeneko herri arrantzalean bizi naiz. Oso gustuko dut nire herria, hain zuzen ere,bertan denak ezagutzen garelako, hau gehienetan abantaila handia da, nahiz eta beste batzuetan ez den horrenbestekoa. Lagunekin lokalean egotea gustatzen zait.
Lehen hezkuntza 3. maila burutzen ari naiz aurten eta espero dut azken urtea izatea, beste ikasketa batzuekin jarraitu ahal izateko.
Beste barik agurtzen nazi.